Қатарнинг Al Jazeera телеканали Исроил ҳукумати тақиқлаганига қарамай, Ғазо секторидаги ҳарбий можарони ёритишда давом этишга ваъда берди. Тегишли хабар телекомпания веб-сайтида эълон қилинди.
Al Jazeera канални ёпиб қўйган Исроилнинг ҳаракатларини қоралайди ва тақиқланганига қарамай, Ғазодаги урушни ёритишни давом эттиришга ваъда беради, — дейилади баёнотда.
Телерадиокомпания, шунингдек, Исроил полицияси Қуддусдаги офисларида тинтув ўтказганидан сўнг, канал фаолиятини тўхтатганини айтган.
Аввалроқ Исроил ҳукумати бир овоздан Қатарнинг Al Jazeera телеканали фаолиятини тўхтатишга қарор қилган эди. Исроил бош вазири Биньямин Нетаньяху бу қарор ҳукумат томонидан бир овоздан қабул қилинганини айтиб, телеканал фаолиятини провокацион деб атаган. Полиция компаниянинг Қуддусдаги офисларида рейд ўтказган ва жиҳозларни мусодара қилган.
Бизнинг фармонларимиз дарҳол кучга киради. Жуда кўп вақт ўтди ва давлат хавфсизлигига путур етказаётган Al-Jazeeraнинг яхши мойланган провокацион машинасини тўхтатиш учун жуда кўп керакциз қонуний тўсиқлар бўлди, — деган эди Исроил алоқа вазири Шломо Кархи.
Изоҳ (0)