Халқаро оммавий ахборот воситаларининг 55 нафар ходими Исроилни Ғазо секторига эркин ва тўсиқсиз киришларини таъминлашга чақирди. Бу ҳақда BBC хабар берди.
Мактубни Британия ва Америка телерадиокомпаниялари, жумладан, Sky News, ITV, Channel 4, АБC, CBS, NBC, BBC ва CNN телеканаллари мухбирлари ва бошловчилари имзолаган.
“Ғазода уруш бошланганидан деярли беш ой ўтгач, хорижлик мухбирларга ҳудудга киришга рухсат берилмаяпти, Исроил ҳарбий хизматчилари ҳамроҳлигидаги камдан-кам саёҳатлар бундан мустасно”, — дейилади мактубда.
Исроил ҳарбийлари журналистларнинг “хавфсизлиги учун” Ғазода уларга ҳамроҳлик қилишини айтмоқда, бироқ бу сафарлар қаттиқ назорат остида бўлиб, кўпинча ҲАМАС жангарилари фойдаланадиган туннел ёки қурол омборларини кўрсатиш билан чекланади.
“Исроил армияси ҳозирда ҲАМАС террор ташкилотига қарши уруш олиб бормоқда. Журналистлар хавфсиз хабар беришлари учун биз уларни жанг майдонида кузатиб борамиз”, — дея даъво қилади Исроил армияси матбуот котиби.
Мактубда, шунингдек, Миср расмийларидан Миср ва Ғазо сектори чегарасидаги Рафаҳ назорат пунктига киришни таъминлаш сўралади.
Изоҳ (0)