Австралиялик актёр Крис Ҳемсворт Vanity Fair нашрига берган интервьюсида ўзининг Тор образи ҳақида қандай фикрда эканлигини айтди.
Актёрга Тор ролини ижро этиш имкони берилганидан миннатдор бўлса-да, Крис йиллар давомида Marvel фильмларида ўйнаган образларидан доим кўнгли тўлмаган.
Тор ҳақидаги биринчи фильм 2011 йилда режиссёр Кеннет Брана, қолган қисмлари эса Тайка Вайтити томонидан суратга олган. Шунингдек, Крис Ҳемсворт “Қасоскорлар” фильмида ҳам Тор образини гавдалантирган.
Баъзан ўзимни оддий қўриқчидек ҳис этардим. Мен ўйнаган персонаж фильм охирида ривожланиши ва ўсиши керак деб ўйлардим, фикримча, бундай бўлмади. Қолаверса, бошқа ҳамкасбларимнинг ижодини кўриб, уларнинг образи ҳақиқатда қизиқарли ва жалб этадиган, деган фикрда бўлганман, — дейди актёр.
Шунингдек, Крис “Тор: Севги ва чақмоқ” номли фильмнинг тўртинчи қисмида ролини яхши ижро этмагани учун ўзини кечиролмаслигини айтди.
Актёрнинг фикрича, томошабинларда Тор образи ҳақида ўзгача таассурот қолиши учун у Торни қайтадан ижро этиши керак. Ҳемсворт персонажга жиддийроқ муносабатда бўлишни, шунингдек, унинг соғлиғида муаммолар борлиги ва у гўёки нафақага чиққани ҳақидаги миш-мишларга чек қўйишни истайди.
2022 йилда Ҳемсворт Альцгеймер касаллигига мойиллиги маълум бўлгач, актёр фаолиятида танаффус эълон қилди. Оммавий ахборот воситалари эса унинг жиддий касаллиги ҳақида турли миш-мишлар ва тахминлар тарқата бошлаган эди.
Крис Ҳемсвортнинг ҳамкасблари унинг фикрига қўшилмайди. Масалан, Кичик Робер Дауни Тор образи ҳақида қуйидагича фикр билдирган:
Аввало шуни алоҳида таъкидлаш жоизки, китоблардаги Тор персонажини экранда тасвирлаш мураккаб вазифа эди. Лекин Крис ва режиссёр Кеннет Брана бунинг уддасидан чиқди. Тор ўзининг мураккаб характери ва психикаси билан ажралиб туради. У заковатли, доно ва шу билан бирга бир оз жаҳлдор бўлса-да, хатти-ҳаракатларида вазминлик ва мулойимлик бор.
Изоҳ (0)