“Манчестер Юнайтед” бош мураббийи Эрик тен Ҳаг инглиз клубида фаолиятини давом эттиради.
The Athletic хабарига кўра, “қизил иблислар” келаси мавсумни жамоа бошқарувида тен Ҳаг билан бошлашни режалаштирмоқда. “Манчестер Юнайтед”нинг янги эгалари тен Ҳагга совринлар ютиш учун етарли шарт-шароит берилмаган деб ҳисобламоқда. Бундан ташқари, улар молиявий жиҳатни ҳам ҳисобга олишмоқда: бош мураббийни ишдан бўшатиш ва янги мураббий излаш қўшимча сармояларни талаб қилади.
Тен Ҳаг 2022 йилнинг ёзида Нидерландиянинг “Аякс” клубидан келиб “Манчестер Юнайтед” бош мураббийига айланган эди. Умумий ҳисоблаганда, 53 ёшли мутахассис барча турнирларда 109 та ўйин ўтказиб, шундан 65 тасида жамоаси билан ғалаба қозонган, 15 тасида дуранг ўйнаган ва 29 тасида мағлубиятга учраган.
Эслатиб ўтамиз, “қизил иблислар” 34 учрашувда 54 очко жамғарган ҳолда АПЛ турнир жадвалида олтинчи ўринда бормоқда ва Чемпионлар Лигаси йўлланмаси тақдим этувчи ўриндан 13 очкога ортда қолмоқда.
Изоҳ (0)