Ёзга ҳам оз қолди. Янги киномарафонни бошлаш вақти келди. Қуйидаги фильмларни томоша қилинг ва жазирама кунларга тайёрланинг.
“Йўқолган шаҳар”
Археолог эри вафотидан сўнг Лоретта Сейж янги ҳаёт бошлашга қарор қилади — энди у саргузашт романларни ёзадиган машҳур ёзувчи. Уларнинг сюжети энг экзотик жойларда бўлиб ўтади ва бош қаҳрамон — модель Алан томонидан китоблар муқовасида тасвирланган келишган йигит Деш.
Тез орада ҳикоя саҳифалардан реал ҳаётга кўчади. Янги бестселлер тақдимотидан сўнг Лоретта уни ташвишга солаётган сирни ҳал қила олишига ишонган миллиардер томонидан ўғирлаб кетилади. Алан, албатта, ёзувчини қутқариш учун унинг ортидан боради.
“Юра олами дунёси: ҳукмронлик”
Одамлар ва динозаврлар бир дунёда бирга яшашлари мумкинми? Клер Диринг бунга ишонади, шунинг учун у тинч ҳаётнинг нозик мувозанатини сақлашга ҳаракат қилмоқда. Аммо бошқалар бунга ишонмайди. Энди инсоният ва даҳшатли мавжудотлар ўз ҳукмронлиги учун курашиши керак.
“Жуманжи: Чангалзор чорлови”
“Жуманжи” компьютер ўйини ўсмир йигит Алекснинг қўлига тушиб қолади. Йигит ўйинни ўйнашни бошлайди ва тўсатдан виртуал дунёга кириб кетади. 20 йил ўтиб, тарих такрорланади — энди тўрт ўсмир ўйин қаҳрамонига айланади. Реал ҳаётга қайтиш учун улар ғалаба қилиши керак. Бунда жамоага фақат йўқолган ўсмир Алекс ёрдам бериши мумкин.
“Аквамен ва йўқолган қироллик”
Артур Карри қуруқлик ва денгиздаги ҳаётни мувозанатга солиш учун курашаётган бир пайтда, тадқиқотчи Девид Ҳайд қасос олиш режасини тайёрлайди. Ёлланма аскар йўқолган қиролликнинг лаънатланган артефактини топади ва афсуннинг таъсирига тушади. Артефакт яратувчиси Девидга ҳамкорликни таклиф қилади: археолог унинг қабиласини тиклашга ёрдам беради, бунинг эвазига унга Артурни ҳам, сувости қироллигини ҳам йўқ қила оладиган қудрат беради.
“Чангалзор бўйлаб саёҳат”
Жасур археолог Лили Хоттон сеҳрли дарахтни қидирмоқда - афсонага кўра, у шифобахш хусусиятларга эга. У укаси ва ақлдан озган гид Фрэнкни олиб, ёввойи ўрмонга йўл олади. Аммо уларни заҳарли ўсимликлар ва ҳайвонлар, амазониялик маҳаллий аҳоли ва ҳамма нарсага тайёр рақобатчилар кутмоқда.
Изоҳ (0)