Футбол бўйича Ўзбекистон Олимпия терма жамоаси ҳамда Франциянинг “Ланс” клуби ярим ҳимоячиси Абдуқодир Ҳусановга Чилонзор тумани ҳокими Саидқаҳҳор Холхўжаев томонидан чангюткич совға қилинди.
2 май куни “Мевазор” маҳалласида истиқомат қилувчи Ҳусанов Абдуқодир Ҳикматжон ўғли хонадонига туман ҳокими ва ўринбосари унинг яқинларини муборакбод этиш учун ташриф буюрган.
“Шу ўринда эслатиб ўтиш жоизки, ўтган йили ҳам ёш футболчиларимизнинг ютуқлари муносабати билан туман ҳокими айни шу хонадонга ташриф буюриб, кейинги ғалабаларни ҳам қутлаш учун яна келамиз, деб хонадон эгалари билан хайрлашган эди. Ният холис экан, мана ўша дамлар етиб келди. Хонадон соҳиблари бу хайрли тилакларни дарҳол эсга олишди ва қувончига яна қувонч қўшилди”, — дейилади Чилонзор тумани ҳокимлиги матбуот хизмати берган хабарда.
Эслатиб ўтамиз, Абдуқодир Ҳусанов 3 май куни бўлиб ўтадиган финал учрашувида иштирок эта олмайди. Ҳимоячи “Ланс” таркибига бориб қўшилиш учун Францияга йўл олган.
Изоҳ (0)