Авдеевка ҳудудидаги рус қўшинлари Донецк вилоятидаги ютуқдан сўнг ўз ҳарбий операцияларини қайси йўналишга қаратишини танлаши мумкин. Бу ҳақда Американинг Урушни ўрганиш институти (ISW) экспертлари хабар берди.
Фронтдаги вазият тўғрисидаги ҳисоботга кўра, Россия армияси ғарбий йўналишда (Покровск шаҳри томон) олдинга силжишга уриниши мумкин ёки шимолга, Часов Яр шаҳри томон силжиши мумкин.
Россия кучларида Авдеевка яқинида бўлажак ҳужум учун кўплаб тактик вариантлар мавжуд, бироқ улар яқин келажакда ўз кучларини қаерга йўналтиришлари номаълумлигича қолмоқда, — дейилади ҳисоботда.
Аввалроқ ISW экспертлари Россия яқин ҳафталарда сезиларли тактик ютуқларга эришиши мумкинлигини, аммо Украина мудофаасини тезда ёриб ўта олмаслигини айтишган эди.
ISW’га кўра, Россия армияси Часов Яр шаҳрида операцион жиҳатдан муҳим мақсадларга эришиш имкониятига эга, бироқ бунинг ўрнига ўз кучини Очеретино яқинидаги ютуқни кенгайтиришга сарфламоқда.
Ҳисобот муаллифлари Россия кучлари сўнгги 24 соат ичида Авдеевка йўналишида сезиларли муваффақиятга эриша олмаганини таъкидлаган.
Изоҳ (0)