Россия ҳарбийлари Авдеевкадаги Тоненькое ва Орловка қишлоқларини эгаллаб олди. Бу ҳақда Bild таҳлилчиси Юлиан Рёпке хабар берди.
Эксперт аввалроқ Украина армияси Авдеевка ғарбидаги Бердичи—Семёновка—Орловка—Тоненькое чизиғида мудофаани ушлаб туришда қийналаётгани, мудофаа чизиғи аста-секин ғарбга силжиётганини айтганди. Эндиликда, таҳлилчига кўра, Тоненькое ва Орловка бутунлай рус қўшинлари томонидан қуршаб олинган. Жанглар фақат Бердичи учун давом этмоқда.
Мудофаа камари сифатида хизмат қилиши керак бўлган бу камар рус армиясининг зарбалари остида қулади. Россия кучлари одамлар ва техниканинг катта қисми йўқолган ҳолда олдинга силжишга муваффақ бўлди, — деди Рёпке.
12 март куни Украина президенти Владимир Зеленский фронтдаги вазият охирги уч ойга қараганда анча яхшилигини айтганди. У рус қўшинлари Донецк вилоятидаги Авдеевка шаҳрини эгаллаб олгандан сўнг ҳужумларни давом эттираётганини маълум қилганди.
Изоҳ (0)