Индонезия олимпия терма жамоаси бош мураббийи Шин Те Ёнг Ўзбекистонга қарши кечган учрашувдан сўнг матбуот анжуманида иштирок этди.
Учрашув ҳақида
Биринчи навбатда бугун жамоамиз курашгани учун раҳмат айтаман. Ўзбекистон терма жамоаси кучли экани бугун яна исботланди. Бизда ҳали Олимпиадага чиқиш имконияти бор. Курашишда давом этамиз. Рақибларни эса финалга чиққани билан табриклайман.
Индонезия жамоаси ҳақида
“Учрашув қийин кечиши аниқ эди. Йигитларим ёмон ўйнашмади, аммо рақиб жуда кучли эди. Ўйинда гол урдик ҳам, лекин оффсайд ҳолати қайд этилган экан. Ҳаяжон ва босим ҳам катта эди, йигитларда бир оз стрессни сездим”.
Жамоанинг Олимпиадага чиқиш имконияти ва ишончи ҳақида
Йигитлар барчасини тушуниб турибди. 2 майда бўлиб ўтадиган учрашув биз учун сўнги имконият бўлади. Муҳими, жисмоний томонлама тезроқ тикланишимиз керак, — дейди Шин Те Ёнг, Индонезия Олимпия терма жамоаси бош мураббийи.
Эслатиб ўтамиз, Ўзбекистон ва Япония терма жамоалари бош соврин учун ўзаро кураш олиб боради.
- Учрашув 3 май куни 20:30 да бошланади.
- 3-ўрин учун кечадиган баҳсда Ироқ Индонезияга қарши майдонга тушади.
- Учрашув 2 май куни бўлиб ўтиши режалаштирилган.
Изоҳ (0)