Оилавий кино марафони ўтказишга нима дейсиз? Тўғри танланган фильм болаларни ўзига жалб қилади ва уларнинг катталар билан муносабатига илиқлик киритади. Биз оилавий томоша қилиш учун энг яхши фильмларни ўрганиб чиқдик ва сеҳрли ҳикоялар, ҳаяжонли саргузаштларга бой учта фильмни танлаб олдик.
“Сув париси” (2023)
Aриэль исмли ёш ва гўзал сув париси ҳикояси барчамизга таниш. У қирол Тритоннинг энг ёш ва уддабурон қизларидан бири бўлиб, Aриэль қуруқликдаги ҳаёт тарзи ҳақида кўпроқ билишни орзу қилади. Саёҳатларининг бирида у шаҳзода Эрикни учратиб қолади ва унга кўнгил қўяди.
Сув париларига одамлар билан мулоқот қилиш тақиқланганига қарамай, Aриэль юрагига қулоқ солишга қарор қилади. Шундай қилиб, у ёвуз денгиз жодугари Урсула билан шартнома тузади ва бу унга ердаги ҳаёт қандайлигини билиш имконини беради. Аммо Aриэль ўз ҳаётини ва отасининг қироллик тожини хавф остида қолдиради.
“Рубби — халоскор ит” (2022)
Полициячи Дэниэл O’Нил К-9 элита бўлинмасида хизмат қилишни ва ойлик маоши ошишини истар эди. Бир куни у хизмат учун шерик танлашга ҳайвонлар уйига боради ва унга Рубби лақабли ит ёқиб қолди.
Кучук ақлли бўлса-да, жуда бетартиб, йўлида учраган предметларни тишлайдиган, ўта шўх жонивор эди. Эски эгалари уни 7 марта ҳайвонлар уйига қайтариб олиб келишган. Шунга қарамай, Рубби полиция ходими сифатида хизмат қилиш учун зарур бўлган салоҳият ва садоқатга эга эди. Шундай қилиб, Дэниэл итни ўзи билан олиб кетади ва қайта тарбиялайди. Мазкур фильм реал воқеаларга асосланган.
“Алита: жангчи фаришта” (2019)
Учинчи Жаҳон урушидаги даҳшатли воқеалардан бир неча ўн йиллар ўтгач, кибер-шифокор Идо чиқиндихонада ақл бовар қилмайдиган артефакт — кибер организмли аёл қисмларини топиб олади ва қайта тиклайди. Бироқ ўзига келган ғайриоддий катта кўзли аёл жанг усулларидан бошқа ҳеч нарсани эслай олмайди.
Фильм япон рассоми Юкито Кисиронинг Battle Angel номли асари киноталқини бўлиб, унинг продюсери “Титаник” фильмини тасвирга олган Жеймс Кэмерон ҳисобланади.
Изоҳ (0)