Кеч ота бўлиш сўнгги ўн йилликда одатий ҳолга айланди. Фарзандли бўлишни истаган жуфтликлар паспортидаги рақамларга қарамайди. Улар ота-она бўлиш қувончини ҳис қилишни турли сабабларга кўра ўзлари белгилайди. Бу борада жаҳон юлдузлари ҳам бундан мустасно эмас.
Майкл Дуглас
Голливуд фахрийси, ҳозир 79 ёшда бўлган Майкл Дуглас ниҳоят ўз карьерасидан танаффус олишга ва ўзини оилавий ҳаётга бағишлашга қарор қилди. Актёрнинг биринчи ўғли Кемерон отаси 34 ёшда бўлганида туғилган. Ўша пайтда Дугласнинг карьераси унинг ҳаётида асосий ўринни эгаллаган. У ҳалигача тўнғичига кўп вақт ажратмаганидан афсусланади.
2000 йилда Дуглас актриса Кетрин Зета Жонс билан никоҳидан Дилан Майкл исмли ўғил кўради. Ўша пайтда “Асосий инстинкт” фильми юлдузи 56 ёшда эди. Уч йил ўтгач, эр-хотиннинг Карис Зета исмли қизи дунёга келади.
Роберт Де Ниро
Роберт Де Ниро — Голливуддаги энг машҳур кўп болали ота ҳисобланади. Унинг турли аёллардан туғилган ва асраб олинган болалари бор. 2023 йилда интернетда Роберт 79 ёшида ота бўлганлиги ҳақида хабар тарқалди.
Унинг еттинчи фарзанди жанг санъати бўйича мураббий Тиффани Чен билан бўлган муносабатидан туғилган. Актёрнинг кенжа қизи Жиа Виржиния Чен 2024 йилнинг апрель ойида бир ёшга тўлди.
Руперт Мердок
Дунёга машҳур медиамагнат Руперт Мердокнинг 6 фарзанди бор — 4 қиз ва 2 ўғил. Тўнғич ўғли медиамагнат 40 ёшида туғилган. 2003 йилда Мердок 6 марта ота бўлди — қизи Хлое туғилди. Ўша пайтда таниқли ота 72 ёшда эди.
Айтганча, 93 ёшида у бешинчи марта уйланишга қарор қилди. Унинг танлагани Абрамовичнинг 67 ёшли собиқ қайнонаси эди. Елена Жукова — 90 йилларда АҚШга кўчиб кетган москвалик микробиолог олима. Шу ёшида ҳам Мердок ОАВнинг эътиборидан тушмайди.
Ричард Гир
“Олтин глобус” мукофоти совриндори, актёр ва журналист Ричард Гир 2000 йилда биринчи марта ота бўлди. Иккинчи рафиқаси актриса ва модел К'ри Лоуэлл Гомер исмли ўғлини дунёга келтирди. Йигирма йил ўтгач, Гир яна оталик қувончини ҳис қилди. Ўша пайтда у 70 ёшда эди. Актёр билан 2018 йилда турмуш қурган ёш рафиқаси Алехандра Сильва унга Александр исмли ўғил туғиб берди.
Гирнинг таъкидлашича, бу унинг учун кутилмаган совға бўлган. 2020 йилда эр-хотин яна бир ўғил кўрди, аммо боланинг исми ошкор қилинмаган.
Стив Мартин
Комедик актёр 67 ёшни фарзанд кўриш учун идеал пайт деб ҳисоблайди. Мартин 2007 йилда иккинчи хотини, журналист Анна Стрингфилдга уйланди. 5 йиллик турмушдан кейин уларнинг биринчи ва ягона қизи Мери туғилди. У ўзининг янги мақомини мамнуният билан қабул қилди. Мартин қизининг ҳаётида фаол иштирок этади ва у билан кўп вақт ўтказади, билими ва тажрибаси билан ўртоқлашади.
Аль Пачино
“Чўқинтирган ота” юлдузи 50 ёшида биринчи марта ота бўлди. Пачинонинг биринчи фарзанди Жули Мари 1989 йилда, эгизаклари — Антон Жеймс ва Оливия Роуз Пачино 2001 йилда туғилган. Улар Лос-Анжелесда яшайди ва ижод билан шуғулланади.
Ўтган йили 83 ёшида Аль Пачино тўртинчи марта ота бўлди. Унинг севгилиси, 29 ёшли Нур Альфалла Роман исмли ўғил фарзандни дунёга келтирди. Актёр ҳеч қачон никоҳдан ўтмаган, лекин фарзандларининг оналари билан яхши муносабатда.
Изоҳ (0)