Futbol bo‘yicha Angliya Premyer Ligasining qoldirilgan 29-turida “Manchester Siti” 25-aprel, payshanba kuni “Brayton”ga qarshi bahs olib bordi.
Uchrashuvning 17-daqiqasida Kevin de Bryuyne hisobni ochdi. 26-daqiqada Fil Foden hisobni ishonchli ko‘rinishga olib keldi. Birinchi bo‘lim oxiriga qadar Foden dublni rasmiylashtirdi.
Ikkinchi bo‘limda ham “shaharliklar” hujumkor o‘yin namoyish etdi. 62-daqiqada Xulian Alvares hisobni yirik ko‘rinishga olib keldi. Qolgan daqiqalarda darvozalar ishg‘ol etilmadi va Pep Gvardiola jamoasi g‘alabani rasmiylashtirdi.
“Manchester Siti” ushbu g‘alabadan so‘ng ochkolari sonini 76 taga yetkazdi va 2-o‘ringa ko‘tarilib oldi.
APL
29-tur bahsi
25-aprel, payshanba
“Brayton” – “Manchester Siti” 0:4
Gollar: 0:1 – 17 de Bryuyne, 0:2 – 26 Foden, 0:3 – 34 Foden, 0:4 – 62 Alvares.
“Brayton”: Stil, Veltman (Offia, 46), Dank, van Xekke, Barko, Lallana (Adengra, 46), Gross, Moder (Igor Julio, 56), Baleba, Uelbek (O‘Mahoni, 75), Joao Pedro.
“Manchester Siti”: Ederson, Uoker (Lyuis, 79), Ake, Akanji, Gvardiol, Bernardu Silva (Doku, 78), Foden (Grilish, 72), Kovachich, de Bryuyne (Mateush Nunesh, 72), Rodri (Serxio Gomes, 79), Alvares.
Ogohlantirishlar: Veltman (35), Baleba (76).
Izoh (0)