Футбол бўйича U-23 Осиё Кубоги чорак финалида Ўзбекистон ва Саудия Арабистони ўзаро тўқнаш келади.
Учрашув олдидан Ўзбекистон U-23 терма жамоаси бош мураббийи Тимур Кападзе ҳамда футболчи Жасурбек Жалолиддинов иштирокида матбуот анжумани ташкил этилди.
Ушбу босқичга етиб келганимиздан хурсандмиз. Эртага бизни муҳим ўйин кутиб турибди ва биз ўйинга тайёрмиз.
Рақиб ҳақида
Албатта рақибимиз ўзига яраша кучли жамоа. Бу жамоа билан кўп ўйнаганмиз. Жамоа ва унинг мураббийи имкониятлари ҳақида биламиз. Бироқ биз ҳам ўз стратегиямиз ва режамиз бўйича ҳаракатланамиз.
2 йил аввалги Саудия Арабистони ҳақида
2 йил ичида ҳар иккала жамоа ҳам ўзгарди, деб ўйлайман. Ўз ўрнида биз ҳам ўсишга эриша олдик, тажриба тўпладик. Эртага ўз режамиз асосида ҳаракатланиб, ғалаба қозонмоқчимиз.
Легионерларнинг мослашуви ҳақида
Улар таркибимизга етиб келганидан хурсандмиз. Легионерларимиз бизга қўшимча куч беришди. Аллақачон мослашиб улгиришди. Улар ҳатто ўтган учрашувда ҳам майдонга тушишди. Эртага эса, кўрамиз, ким тайёр бўлса, ўша майдонга тушади.
Тимур Кападзе, Ўзбекистон ОТЖ устози
-IZiHPL_D.jpg)
Эртага олдимизда муҳим учрашув бор. Биз ўйинга тайёрмиз.
Тайёргарлик ҳақида
Бу мусобақага узоқ муддат тайёргарлик кўрдик. Йилдан йилга ўз ўйинимизни шакллантириб, ўсишга эришдик. Ҳозирда ҳеч қандай босимни ҳис қилмаяпмиз. Бор эътиборимиз эртанги ўйинга қаратилган.
Футзал терма жамоамизнинг ғалабаси ҳақида
Албатта бундан жуда ҳам хурсандмиз. Футзалчиларимиз ҳам биз ҳам бир жамоамиз ва халқимизни ғалаба билан хурсанд қилишни мақсад қилганмиз. Эртанги ўйинда уларга ҳам омад тилайман.
Эртанги ўйиндаги мухлислик ҳақида
Биз халқимизнинг қўллаб-қувватлашини ҳис қилиб турибмиз. Улар ғалабамиз учун дуода бўлишмоқда. Эртанги ўйинда рақиб жамоа мухлислари кўп бўлиши бизга босим бермайди, бор эътиборимизни ғалаба қозонишга қаратамиз.
Жасурбек Жалолиддинов, Ўзбекистон U-23 терма жамоаси футболчиси
Ўзбекистон U-23 терма жамоасининг Саудия Арабистонига қарши ўйини 26 апрель куни 19:00 да старт олади.
Изоҳ (0)