Эдуардо Эскобар Чилининг Ўзбекистондаги фавқулодда ва мухтор элчиси этиб тайинланди. Бу ҳақда ташқи ишлар вазири Бахтиёр Саидов ўзининг Telegram каналида хабар берди.
Ташқи сиёсий идора раҳбари Эскобардан ишонч ёрлиқларини қабул қилиб олган.
“Суҳбат чоғида ўзаро муносабатларимизни фаоллаштириш, ишбилармонлик алоқаларини ривожлантириш, парламентлараро мулоқот, қўшма савдо комиссиялари ва ҳамкорликнинг бошқа янги шаклларини йўлга қўйиш муҳимлигини таъкидладик”, — деб ёзади Бахтиёр Саидов.
Бир неча кун олдин эса Бахтиёр Саидов Серра-Леоне Республикасининг Ўзбекистондаги элчиси этиб тайинланган Муҳаммад Ёнгаводан ишонч ёрлиқларини қабул қилиб олгани тўғрисида хабар берилган эди. Шунингдек, Кипрос Ёргаллис Кипрнинг Ўзбекистондаги фавқулодда ва мухтор элчиси этиб тайинланганди.
Изоҳ (0)