Андижон вилояти ҳокими Шуҳрат Абдураҳмонов АҚШнинг Ўзбекистондаги элчиси Жонатан Хеник билан учрашув ўтказди. Бу ҳақда вилоят ҳокимлиги матбуот хизмати хабар берди.
Маълум қилинишича, учрашувда таълим соҳасини ривожлантириш, инглиз тилини ўргатишни янада ривожлантириш, Андижон чет тиллари ва Андижон давлат университети билан ҳамкорлик қилиш масалалари кўриб чиқилган. Унда андижонлик устозларни малака ошириш мақсадида океан ортига юбориш таклифи муҳокама этилган.
Унга кўра, Андижондаги профессор ўқитувчиларни малака ошириш учун 5 ой муддатга Америкага юбориш режалаштирилмоқда.
Бундан ташқари, тиббиёт соҳасини янада ривожлантириш, шифокорларнинг малакасини ошириш бўйича бир нечта лойиҳалар хусусида сўз борди.
Шунингдек, Андижон ва Америкадаги шаҳарлар ўртасида “Биродарлашган шаҳарлар” мақомини олиш тўғрисида бир қанча масалалар муҳокама қилиб олинди.
Изоҳ (0)