Eduardo Eskobar Chilining O‘zbekistondagi favqulodda va muxtor elchisi etib tayinlandi. Bu haqda tashqi ishlar vaziri Baxtiyor Saidov o‘zining Telegram kanalida xabar berdi.
Tashqi siyosiy idora rahbari Eskobardan ishonch yorliqlarini qabul qilib olgan.
“Suhbat chog‘ida o‘zaro munosabatlarimizni faollashtirish, ishbilarmonlik aloqalarini rivojlantirish, parlamentlararo muloqot, qo‘shma savdo komissiyalari va hamkorlikning boshqa yangi shakllarini yo‘lga qo‘yish muhimligini taʼkidladik”, — deb yozadi Baxtiyor Saidov.
Bir necha kun oldin esa Baxtiyor Saidov Serra-Leone Respublikasining O‘zbekistondagi elchisi etib tayinlangan Muhammad Yongavodan ishonch yorliqlarini qabul qilib olgani to‘g‘risida xabar berilgan edi. Shuningdek, Kipros Yorgallis Kiprning O‘zbekistondagi favqulodda va muxtor elchisi etib tayinlangandi.
Izoh (0)