“Телефонсиз мактаб”га 300 млн сўм берган Тошкент вилояти ҳокими, асосий ставкани ўзгаришсин қолдирмаган Марказий банк, 15 майдан чипталари нархи ошадиган “Афросиёб” — “Дарё” нашри бугун, 25 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
“Техник хатолик юз берган бўлиши мумкин” — Қашқадарё ҳокимлиги “Меҳр дафтари” ҳисобидан электромобиллар харид қилинаётгани ҳақида
Ҳозирда серверда нега “Меҳр дафтари” жамғармаси кўрсатилаётгани сабаблари ўрганилмоқда.
Тошкентда миллий либосларни тарғиб қилган аёлларни ҳақоратлаган эркак 15 суткага қамалди
У шахсий диний қарашларидан келиб чиққан ҳолда атлас тарғиботини олиб борган аёлларни ҳақорат қилган.
Ўзбекистонда транспорт воситаси ҳавони меъёридан ортиқ ифлослантираётган ҳайдовчилар жаримага тортилмоқда
“Тоза ҳаво” ойлигининг биринчи босқичи 10 майга қадар давом этади.
Андижонда Nexia-3 йўлнинг белгиланмаган жойидан кесиб ўтмоқчи бўлган аёлни уриб юборди (видео)
Жабрланувчи тан жароҳати олиб, шифохонага мурожаат қилган.
Сирдарёда солиқ инспектори 4 минг доллар, Наманганда эса МИБ ходимлари 2 минг доллар пора билан қўлга тушди (видео)
Солиқчи учта МЧЖнинг солиқ қарзларини банкрот деб топиш йўли билан бартараф қилишни ваъда берган.
Ўзбекистон афғон халқига навбатдаги инсонпарварлик ёрдамини жўнатди
Жами 8 та юк машинасига ун, буғдой, ўсимлик ёғи, консерваланган гўшт ва тезпишар лағмонлар ортилган.
Марказий банк Ўзбекистонда асосий ставкани яна ўзгаришсиз қолдирди
Умумий инфляция йил бошидан пасайишда давом этиб, март ойида йиллик 8 фоизни ташкил этган.
Тошкентда одам ўлдиришда гумонланган шахсни ушлашда ёрдамлашган талаба йигит тақдирланди
Унга Жиззах вилояти ИИБ томонидан эсдалик қўл соати, 5 млн сўм пул ва ота-онаси номига ташаккурнома топширилди.
Қашқадарёда электрдан қарзи бўлган фуқаронинг Captiva’си хатланди
Автомобиль аукцион савдолари орқали сотилиб, ундан тушган маблағ қарзларни тўлашга йўналтирилади.
Долларнинг расмий курси 50 сўмга пасайди
Шунингдек, евро курси ошди, рубль пасайди.
“Афросиёб” поездида чипталар нархи 15 майдан ошади
Бунда эконом класс 20 фоиз, бизнес класс 30 фоиз ва VIP класс 40 фоиз миқдорда ошиши кўзда тутилган.
Маҳаллий давлат ҳокимияти вакиллик органлари фаолиятини ривожлантириш концепцияси ишлаб чиқилади
Концепция ҳамда уни амалга ошириш бўйича тегишли “йўл харитаси” лойиҳаси кенг жамоатчилик вакиллари иштирокида муҳокама қилинади.
Зоир Мирзаев “Телефонсиз мактаб”га 300 млн сўм мукофот берди
Зоир Мирзаев мактабга берилаётган пул ҳақида гапирар экан, пул мактаб ҳисоб рақамига ўтказиб берилишини айтиб, “Бу пул сизларники, жамоатчилик билан маслаҳатлашинг ва нимага сарфлашни лозим топсангиз, ўзингиз биласиз”, — деди.
Изоҳ (0)