“Telefonsiz maktab”ga 300 mln so‘m bergan Toshkent viloyati hokimi, asosiy stavkani o‘zgarishsin qoldirmagan Markaziy bank, 15-maydan chiptalari narxi oshadigan “Afrosiyob” — “Daryo” nashri bugun, 25-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
“Texnik xatolik yuz bergan bo‘lishi mumkin” — Qashqadaryo hokimligi “Mehr daftari” hisobidan elektromobillar xarid qilinayotgani haqida
Hozirda serverda nega “Mehr daftari” jamg‘armasi ko‘rsatilayotgani sabablari o‘rganilmoqda.
Toshkentda milliy liboslarni targ‘ib qilgan ayollarni haqoratlagan erkak 15 sutkaga qamaldi
U shaxsiy diniy qarashlaridan kelib chiqqan holda atlas targ‘ibotini olib borgan ayollarni haqorat qilgan.
O‘zbekistonda transport vositasi havoni meʼyoridan ortiq ifloslantirayotgan haydovchilar jarimaga tortilmoqda
“Toza havo” oyligining birinchi bosqichi 10-mayga qadar davom etadi.
Andijonda Nexia-3 yo‘lning belgilanmagan joyidan kesib o‘tmoqchi bo‘lgan ayolni urib yubordi (video)
Jabrlanuvchi tan jarohati olib, shifoxonaga murojaat qilgan.
Sirdaryoda soliq inspektori 4 ming dollar, Namanganda esa MIB xodimlari 2 ming dollar pora bilan qo‘lga tushdi (video)
Soliqchi uchta MCHJning soliq qarzlarini bankrot deb topish yo‘li bilan bartaraf qilishni va’da bergan.
O‘zbekiston afg‘on xalqiga navbatdagi insonparvarlik yordamini jo‘natdi
Jami 8 ta yuk mashinasiga un, bug‘doy, o‘simlik yog‘i, konservalangan go‘sht va tezpishar lag‘monlar ortilgan.
Markaziy bank O‘zbekistonda asosiy stavkani yana o‘zgarishsiz qoldirdi
Umumiy inflyatsiya yil boshidan pasayishda davom etib, mart oyida yillik 8 foizni tashkil etgan.
Toshkentda odam o‘ldirishda gumonlangan shaxsni ushlashda yordamlashgan talaba yigit taqdirlandi
Unga Jizzax viloyati IIB tomonidan esdalik qo‘l soati, 5 mln so‘m pul va ota-onasi nomiga tashakkurnoma topshirildi.
Qashqadaryoda elektrdan qarzi bo‘lgan fuqaroning Captiva’si xatlandi
Avtomobil auksion savdolari orqali sotilib, undan tushgan mablag‘ qarzlarni to‘lashga yo‘naltiriladi.
Dollarning rasmiy kursi 50 so‘mga pasaydi
Shuningdek, yevro kursi oshdi, rubl pasaydi.
“Afrosiyob” poyezdida chiptalar narxi 15-maydan oshadi
Bunda ekonom klass 20 foiz, biznes klass 30 foiz va VIP klass 40 foiz miqdorda oshishi ko‘zda tutilgan.
Mahalliy davlat hokimiyati vakillik organlari faoliyatini rivojlantirish konsepsiyasi ishlab chiqiladi
Konsepsiya hamda uni amalga oshirish bo‘yicha tegishli “yo‘l xaritasi” loyihasi keng jamoatchilik vakillari ishtirokida muhokama qilinadi.
Zoir Mirzayev “Telefonsiz maktab”ga 300 mln so‘m mukofot berdi
Zoir Mirzayev maktabga berilayotgan pul haqida gapirar ekan, pul maktab hisob raqamiga o‘tkazib berilishini aytib, “Bu pul sizlarniki, jamoatchilik bilan maslahatlashing va nimaga sarflashni lozim topsangiz, o‘zingiz bilasiz”, — dedi.
Izoh (0)