АҚШда ишсизлик нафақаси бўйича мурожаат қилган америкаликлар сони ўтган ҳафтада 5 мингга камайиб, 207 минг нафарга етди. Бу ҳақда АҚШ Меҳнат вазирлиги ҳисоботида айтилади.
Бир ҳафта олдин бу кўрсаткич 212 минг эди.
Bloomberg томонидан сўралган таҳлилчилар ишсизлик нафақасини олиш бўйича аризалар сони 215 мингтага кўпайишини прогноз қилишганди. Аммо уларнинг прогнозлари ўзини оқламади.
Ўтган йилнинг сентябрь ойида АҚШда ишсизлик нафақаси олишга мурожаат қилган америкаликлар сони 216 мингга етгани хабар қилинганди. Ўшанда ишсизлик нафақасини олишни давом эттираётган америкаликлар сони 1,679 миллионни ташкил қилганди.
Изоҳ (0)