АҚШ Молия вазирлигининг Эронга қарши санкциялар рўйхати саккиз нафар жисмоний шахс ва 15 та компанияни қамраб олди, дейилади АҚШ департаменти томонидан эълон қилинган ҳужжатда.
Шу билан бирга, АҚШ Ғазначилиги бешта кема ва битта самолётга нисбатан чекловлар киритди.
Молия вазирлиги чекловларни жорий этишга айнан нима асос бўлганини маълум қилмаган.
Вазирликнинг санкциялари рўйхатга киритилган шахсларнинг активларини музлатиш ва АҚШ фуқаролари ҳамда компанияларига улар билан бизнес операцияларини амалга оширишни тақиқлашни назарда тутади.
18 апрель куни АҚШ ва Буюк Британия Исроилга ҳужум қилгани учун Эронга қарши санкциялар жорий этгани хабар берилганди.
Ўшанда Эроннинг 16 нафар жисмоний шахси ва 11 та юридик шахси санкциялар рўйхатига киритилганди.
Изоҳ (0)