Тошкент шаҳрининг Янгиҳаёт туманида кредитини тўлолмаган фуқаронинг Tesla’си аукционга чиқарилмоқда. Бу ҳақда МИБ “Дарё”га хабар берди.
Унга кўра, бюронинг Янгиҳаёт туман бўлими иш юритувидаги Тошкент туманлараро иқтисодий судининг 2023 йилдаги ижро варақасига асосан, қарздор А.S.W. МЧЖдан ундирувчи банк фойдасига жами 292 миллион 294 минг 523 сўм кредит қарздорлигини ундириш, ундирувни қарздорга тегишли автотранспорт воситасига қаратиш тўғрисидаги ижро ҳужжати бўлим иш юритувига 18 март куни келиб тушган.
Қарздор ташкилотга ижро иши юритишни қўзғатиш тўғрисидаги қарор юборилган бўлиб, қарздорлик белгиланган муддатда қарздор томонидан тўланмагани сабабли давлат ижрочиси томонидан мажбурий ижро ҳаракатларига киришилган.
Олиб борилган мажбурий ижро ҳаракатлари жараёнида 16 апрелда гаровдаги Tesla Model S85 автотранспорт воситаси хатланди ва вақтинчалик сақлаш учун жарима майдончасига қўйилди.
Ҳозирда мазкур автотранспорт воситасини онлайн аукцион савдоларига чиқариш чоралари кўрилиб, савдолардан тушган пул маблағларининг маълум қисми қарздорликни қоплаш учун банк фойдасига йўналтирилади.
Изоҳ (0)