Андижон вилояти Асака туманида кредитини тўламаган фуқаронинг Equinox автомобили аукционга чиқарилди. Бу ҳақда МИБ ахборот хизмати “Дарё”га хабар берди.
Маълум қилинишича, Мажбурий ижро бюроси Асака туман бўлими иш юритувига суднинг ижро ҳужжати келиб тушган. Унда “Смартбанк” фойдасига қарздор фуқародан 497 миллион 915 минг 420 сўм ундириш ҳамда ундирувни кредит таъминоти сифатида гаровга қўйилган Equinox автотранспорт воситасига қаратиш кўрсатилган.
Қарздорлик қопланмагани сабаб бўлим давлат ижрочиси томонидан ижро ҳаракатлари олиб борилиб, автомашина хатлаб қўйилди. Ҳозирда автомашина 402 миллион 548 минг 440 сўм бошланғич нарх билан электрон аукцион савдосига чиқарилган.
Изоҳ (0)