Sobiq futbolchilar Endi Koul va Jon Terri Premyer Liganing shon-shuhrat zaliga kiritildi.
Angliya Premyer Ligasining 5 karradan g‘oliblari Endi Koul (“Manchester Yunayted”) va Jon Terri (“Chelsi”) shon-shuhrat zalidan joy oldi.
Ular muxlislarning ovozi hamda Premyer Liga komissiyasi a’zolari ovozlari birlashtirilganidan so‘ng, 15 nafar sobiq futbolchi orasidan tanlab olindi.
Terri va Koul joriy yil shon-shuhrat zalidan joy olgan 23 hamda 24-futbolchiga aylandi.
“Buning uchun barchadan minnatdorman. Maydonda borimni berib, harakat qilganman va bu e’tirofdan faxrlanaman.
Kiyim almashtirish xonasida juda ko‘p yuqori darajadagi futbolchilar bilan bilan bir qatorda turishga muvaffaq bo‘ldim. “Chelsi” kabi jamoaning sardori bo‘lish baxtiga sazovor bo‘ldim”, — deydi Jon Terri.
APLning shoh-shuhrat zaliga liga tashkil etilgan (1992) yildan boshlab, muvaffaqiyatga erishgan va Premyer Liga rivojiga hissa qo‘shgan futbolchilar kiritiladi.
2021-yildan buyon shon-shuhrat zalidan Alan Shirer, Tyerri Anri, Erik Kantona, Roy Kin, Frenk Lempard, Dennis Bergkamp, Stiven Jerrard, Devid Bekhem, Pol Skoulz, Didye Drogba, Vensan Kompani, Serxio Aguero, Patrik Vieyra, Ueyn Runi, Ian Rayt, Peter Shmeyxel, Aleks Fergyuson va Arsen Venger kabi sobiq futbolchi va murabbiylar joy olgan.
Izoh (0)