Машҳур санъаткорлар томошабинлар кўз ўнгида доим гўзал, ёш ва ортиқча килограммсиз бўлиши лозим деган фикр инсонлар онгида ўрнашиб қолган. Мухлислар талабини қондириш учун юлдузлар соғлом вазнни сақлашга жиддий эътибор беради, бунга кўп куч ва маблағ сарфлайди. Қуйида ўз тиришқоқлиги билан намуна бўла оладиган ва таниб бўлмас даражада вазн ташлаган санъаткорларни кўриб чиқамиз.
Кристина Агилера
Америкалик қўшиқчи Кристина Агилера бугунги кунда ўз вазнига жиддий эътибор қаратиб келмоқда. Ижтимоий тармоқлардаги сўнгги фотосуратлар буни тасдиқлайди. Бир неча йил аввал хонанда фарзандли бўлгани, ажрашгани ва отасининг ўлимидан ташқари, карьераси билан боғлиқ муваффақиятсизлик сабаб 30 килограмм вазн тўплаган ва ёга ёрдамида ундан халос бўлган.
Келли Осборн
Британиялик қўшиқчи ва актриса Келли Осборн ёшлигидан тўлишган қиз бўлган. У 35 ёшида ошқозонни кичрайтириш бўйича операцияни бошдан кечирди ва қарийб 40 килограммга озишга эришди.
Ҳозирда юлдуз қанд касаллиги бор инсонлар учун мўлжалланган махсус дориларни шифокор тавсияси билан истеъмол қилади. Албатта, хонанда жисмоний фаоллик билан шуғулланишни ҳам канда қилмайди.
Ариана Гранде
Америкалик хонанда Ариана Гранде ҳаёти давомида ҳеч қачон ортиқча вазндан азият чекмаган. Аммо сўнгги вақтларда юлдуз турли психологик муаммоларни бошидан кечирди ва антидепрессантлар қабул қила бошлади. Табиийки, дорилар Арианани ўта озиб кетишига олиб келди.
Фото: Дзен
Мухлисларнинг хавотирли саволларига хонанда шундай жавоб берди:
Менинг аввалги қиёфам остида соғлом бўлмаган Ариана бор эди. Бугунги кўринишим менинг энг соғлом ва табиий версиямдир.
Ребел Уилсон
Фильмларда дўмбоқ ва кулгили қаҳрамон образини гавдалантирган актриса Ребел Уилсон ҳозирда таниб бўлмас даражада ўзгариб кетган. Кўп қарши кўрсатмалари бўлса-да, актриса қандли диабет касаллиги дорилари орқали озишга муваффақ бўлди.
Ширинликлардан ўзини тия олмайдиган мендек хўрандалар учун бундай озиш тури яхши самара беради, — дейди Уилсон.
Адель
Кўп йиллардан буён ўз ижоди билан мухлисларини хурсанд қилиб келаётган Адель сўнгги 3 йилда 50 килограмм ортиқча вазндан халос бўлди. Аваллари бодипозитив (ўз вазни ва ташқи кўринишидан мамнун бўлиш) тарафдори бўлган хонанда турмуш ўртоғи билан ажрашгандан сўнг соғлиғига жиддий эътибор қаратишни бошлади. Унга профессионал фитнес тренерлар, диетологлар ёрдам берди. Натижани ўзингиз кўришингиз мумкин:
Изоҳ (0)