Маълумотларга кўра, болалар ва катталарда қизамиқ касаллигига чалиниш кўп учрамоқда. Мазкур ҳолат юзасидан Санитария-эпидемиология қўмитаси ахборот хизмати “Дарё”га тушунтириш берди.
Қўмитанинг маълум қилишича, дунёда қизамиқ бўйича эпидемиологик вазият барқарор эмас.
Дунёда 2022 йилга нисбатан касаллик 33 фоизга ортган. Касаллик кўпайишининг асосий сабаби сифатида коронавирус пандемияси даврида қизамиқ касаллигига қарши 61 миллион аҳоли эмланмагани кўрсатилган.
Шу билан бирга республикамизда эмлаш қамрови 95 фоиздан юқори кўрсаткичларда бўлишига қарамай, қизамиқ вирусини четдан кириб келиши эмланиш ёшига етмаганлар орасида тарқалиши ва айрим сабабларга кўра эмланмаганлар ёки бир маротаба эмланган катта ёшдаги аҳоли орасида ҳам рўйхатга олинган, — дейилади қўмита ахборотида.
Маълумот учун, қизамиқ – юқори юқумлилик даражасига эга, оғир кечувчи ўткир инфексион вирусли касаллик бўлиб, бутун ер юзида болаларни ўлимига сабаб бўлади.
Миллий профилактик эмлаш календарига мувофиқ, 13 турдаги юқумли касалликлар, жумладан, қизамиққа қарши режали эмлашлар ўтказиб келинади.
Изоҳ (0)