Атом энергияси бўйича халқаро агентлик раҳбари Рафаэл Гросси Хавфсизлик кенгаши аъзоларига мурожаат қилиб, ядровий ҳалокат яқин эканлигидан хавотир билдирди. Бу ҳақда Euronews хабар берди.
Гросси ўз мурожаатида Запорожье атом электр станциясининг ўққа тутилиши ҳақида гапирган. Бир ҳафта олдин станциянинг олти ядровий реакторидан бирининг гумбазига дрон қулаган эди. Гросси ҳужумда Москвани ҳам, Киевни ҳам айбламаган, бироқ бундай воқеалар такрорланмаслиги кераклигини таъкидлаган.
Биз ядровий аварияга хавфли даражада яқинлашмоқдамиз. Бепарво бўлмаслигимиз керак. Бир йил аввал мазкур палатанинг ўзида ўрнатилган бешта тамойилларга риоя қилишимиз зарур, — дейди Гросси.
АҚШ Конгресси Вакиллар палатаси спикери Майк Жонсон ёпиқ мажлисда конгрессменларга Украина, Исроил ва Тайванга ёрдам кўрсатиш ҳамда АҚШ миллий хавфсизлиги масалалари бўйича тўртта алоҳида қонун лойиҳасини тақдим этган.
Республикачилар ҳар бир масала бўйича алоҳида овоз беришни талаб қилишган: уларнинг баъзилари Украинага ҳар қандай молиявий ёрдам кўрсатишга қарши, бошқалари Оқ уйдан АҚШнинг жанубий чегарасини ноқонуний муҳожирлардан ҳимоя қилиш бўйича шошилинч чоралар кўришни талаб қилишган.
Изоҳ (0)