Эрон бойитилган уран ишлаб чиқариш суръатини яна ошириб, ойига тўққиз килограмм даражасига етказди, деб хабар берди Атом энергияси бўйича халқаро агентлик (МАГАТЭ) 26 декабрь куни. Reuters маълумотларига кўра, Эронда ҳозир 60 фоизгача бойитилган уран мавжуд, учта атом бомбаси яратиш учун бойитиш даражаси 90 фоизга етказилиши мумкин.
“Эронда учта атом бомбаси яратиш учун 60 фоиз тозаликдаги уран мавжуд ва уран ишлаб чиқаришда давом этмоқда”, — деб таъкидлади МАГАТЭ экспертлари.
Reuters хабарига кўра, МАГАТЭ инспекторлари биринчи марта 25 ноябрь куни Фордо заводида ишлаб чиқаришнинг ўзгаришини кузатган. Натангда ишлаб чиқариш суръатларининг ўсиши 27 ноябрда қайд этилган.
Ўз навбатида, Теҳрон атом бомбаси яратиш мақсадини инкор этишда давом этмоқда.
Эронда МАГАТЭ инспекторларининг аккредитацияси бекор қилинди
2023 йил 16 сентябрда Эрон МАGATEга мамлакатдаги бир нечта агентлик инспекторларининг аккредитациясини бекор қилаётгани ҳақида хабар берди. Ташкилот раҳбари Рафаэл Гроссининг сўзларига кўра, Эрондаги МАГАТЭ инспекторларининг тахминан учдан бир қисми ишдан четлаштирилган.
18 сентябрь куни Германия, Буюк Британия, Франция ва АҚШ Эронни ўз қарорини “зудлик билан бекор қилишга” чақирди. Тўрт давлатнинг қўшма баёнотида айтилишича, МАГАТЭда ҳалигача “декларация қилинмаган ядровий материаллар ва Эронда олиб борилган фаолият бўйича жиддий ва ҳал этилмаган саволлар” бор, Ислом Республикаси уларга “тўрт йилдан бери жавоб бермаяпти”.
Изоҳ (0)