“Bavariya” Zinedin Zidanni bosh murabbiylikka taklif qilish fikrida emas, deb xabar beradi Sky Sport.
Avvalroq OAVda myunxenliklar klubi 51 yoshli mutaxassis xizmatlariga qiziqish bildirgan va uning atrofidagilar bilan bog‘langani haqida xabarlar tarqagan edi. Shuningdek, manbaga ko‘ra, jamoaning qiziqishi haqida xabar berilgan Ralf Rangnik ham klubning short-listida yo‘q.
Klub bosh murabbiylikka asosiy nomzod sifatida Julian Nagelsmann xizmatlariga qiziqmoqda. Roberto De Zerbi yoki Unai Emeri zaxira variant sifatida ko‘rilmoqda.
Amaldagi bosh murabbiy Tomas Tuxel yozda “Bavariya”ni tark etadi. Nemis mutaxassisi bilan kelishuv 2025-yilning yoziga qadar tuzilgan, biroq tomonlar shartnomani muddatidan oldin bekor qilishga kelishib olgan.
29-turdan keyin “Bavariya” 63 ochko bilan ikkinchi o‘rinda bormoqda. “Bayer” klubi allaqachon chempionlikni rasmiylashtirdi. Ular hisobida 79 ochko mavjud.
Izoh (0)