Туркия 2024 йилда 60 миллион нафар сайёҳ ташрифини кутмоқда. Бу ҳақда Туркиянинг Туркманистондаги элчиси Аҳмет Демирок маълум қилди.
“Жаҳон Туризм Ташкилоти маълумотларига кўра, Туркия 2022 йилда 50 миллиондан ортиқ сайёҳни қабул қилиб, бу борада бутун дунё бўйича 4-ўринни эгаллади.
2023 йилда эса салкам 57 миллион туристни қабул қилиб, бунинг ортидан 4,3 миллиард долларлик даромадга эга бўлди. 2024 йилда сайёҳлар сони бўйича янги рекордлар ўрнатиш режалаштирилган: 60 миллион сайёҳни қабул қилиб, 60 миллиард доллар даромад кўриш”, — деди у Ашхободда бўлиб ўтган Туркия туризм саноати салоҳиятига бағишланган тадбирдаги нутқи давомида.
Демирок бугунги кунда Туркиянинг ҳар бир минтақасида тўрт фаслда турли туризм тадбирлари ташкил этилиши мумкинлигини, мамлакатнинг ривожланган инфратузилмаси кўплаб сайёҳларни қабул қилиш имконини бераётганини таъкидлади.
Изоҳ (0)