Turkiya 2024-yilda 60 million nafar sayyoh tashrifini kutmoqda. Bu haqda Turkiyaning Turkmanistondagi elchisi Ahmet Demirok ma’lum qildi.
“Jahon Turizm Tashkiloti maʼlumotlariga ko‘ra, Turkiya 2022-yilda 50 milliondan ortiq sayyohni qabul qilib, bu borada butun dunyo bo‘yicha 4-o‘rinni egalladi.
2023-yilda esa salkam 57 million turistni qabul qilib, buning ortidan 4,3 milliard dollarlik daromadga ega bo‘ldi. 2024-yilda sayyohlar soni bo‘yicha yangi rekordlar o‘rnatish rejalashtirilgan: 60 million sayyohni qabul qilib, 60 milliard dollar daromad ko‘rish”, — dedi u Ashxobodda bo‘lib o‘tgan Turkiya turizm sanoati salohiyatiga bag‘ishlangan tadbirdagi nutqi davomida.
Demirok bugungi kunda Turkiyaning har bir mintaqasida to‘rt faslda turli turizm tadbirlari tashkil etilishi mumkinligini, mamlakatning rivojlangan infratuzilmasi ko‘plab sayyohlarni qabul qilish imkonini berayotganini ta’kidladi.
