Жиззахда икки нафар ОИВ инфекцияли беморга нисбатан жиноят иши қўзғатилди, деб хабар беради Санитария-эпидемиология қўмитаси.
Қайд этилишича, Пахтакор туманида яшовчи 35 ёшли аёл уйида ўзида ОИВ инфекцияси борлигини била туриб бегона эркак билан ҳимояланмаган жинсий яқинлик қилган вақтда Ички ишлар бошқармаси томонидан ушланган ва унга нисбатан жиноят иши қўзғатилган.
Яна бир ҳолат Шароф Рашидов туманида қайд этилиб, 34 ёшли эркак ўзида ОИВ борлигини билса-да, шифокорлар огоҳлантиришига қарамай, яширинча 29 ёшли аёл билан яшаб келган ва касалликни жинсий йўл билан ушбу аёлга юқтирган.
Республика ОИTСга қарши курашиш маркази, ОИВ аниқланган беморларни ушбу касалликни қасддан юқтирганлик учун қонунчиликка кўра жиноий жавобгарликка тортилиши белгиланган.
Эслатиб ўтамиз, 2023 йил 12 июль куни Бухоро вилояти Шофиркон туманида ўзгага қасддан ОИВ инфекциясини юқтирган аёл аниқланиб, жиноят иши қўзғатилганди. 22 март куни Бухоро шаҳрида ОИВга чалинган қиз бегона эркаклар билан жинсий алоқада бўлгани аниқланган эди.
Изоҳ (0)