Jizzaxda ikki nafar OIV infeksiyali bemorga nisbatan jinoyat ishi qo‘zg‘atildi, deb xabar beradi Sanitariya-epidemiologiya qo‘mitasi.
Qayd etilishicha, Paxtakor tumanida yashovchi 35 yoshli ayol uyida o‘zida OIV infeksiyasi borligini bila turib begona erkak bilan himoyalanmagan jinsiy yaqinlik qilgan vaqtda Ichki ishlar boshqarmasi tomonidan ushlangan va unga nisbatan jinoyat ishi qo‘zg‘atilgan.
Yana bir holat Sharof Rashidov tumanida qayd etilib, 34 yoshli erkak o‘zida OIV borligini bilsa-da, shifokorlar ogohlantirishiga qaramay, yashirincha 29 yoshli ayol bilan yashab kelgan va kasallikni jinsiy yo‘l bilan ushbu ayolga yuqtirgan.
Respublika OITSga qarshi kurashish markazi, OIV aniqlangan bemorlarni ushbu kasallikni qasddan yuqtirganlik uchun qonunchilikka ko‘ra jinoiy javobgarlikka tortilishi belgilangan.
Eslatib o‘tamiz, 2023-yil 12-iyul kuni Buxoro viloyati Shofirkon tumanida o‘zgaga qasddan OIV infeksiyasini yuqtirgan ayol aniqlanib, jinoyat ishi qo‘zg‘atilgandi. 22-mart kuni Buxoro shahrida OIVga chalingan qiz begona erkaklar bilan jinsiy aloqada bo‘lgani aniqlangan edi.
Izoh (0)