Совет иттифоқи Қаҳрамони, Россия Қаҳрамони ва коинотда парвоз давомийлиги бўйича (437 сутка) жаҳон рекорди соҳиби Валерий Поляков 80 ёшида вафот этди, деб ёзади «РБК» «Роскосмос»га таяниб.
Совет ва рус космонавти 1994—1995 йилларда 437 кеча-кундуз давомида «Мир» орбитал станциясида яшаб, битта парвоз мобайнида коинотда бўлиб туриш вақти бўйича жаҳон рекордини ўрнатган. Поляков жами иккита космик экспедицияда қатнашган ва орбитада ҳаммаси бўлиб 678 сутка вақт ўтказган.
«Унинг тадқиқотлари инсон организми нафақат Ерга яқин орбитага, балки олис коинотга парвозларга ҳам тайёр эканини исботлашга ёрдам берди», — дейилади «Роскосмос» хабарида.
Космонавт СССР Қаҳрамони ва Россия Қаҳрамони юлдузлари билан тақдирланган, шунингдек, Франциянинг Фахрий легион ордени офицери, Афғонистоннинг «Озодлик қуйиши» ордени кавалери ва Қозоғистоннинг «Парасат» ордени офицери ҳисобланади.
Поляков тиббиёт фанлари доктори илмий даражасига эга бўлган, тиббиёт профессори бўлган.
Изоҳ (0)