Британия қироли Чарльз III биринчи марта янги банкноталарда ўз портретини кўриш имконига эга бўлди. BBC хабар беришича, янги банкноталар июнь ойида муомалага чиқарилади.
Бундан буён монарх сурати муомаладаги барча номиналларда: 5, 10, 20 ва 50 фунтлик пулларда мавжуд бўлади.
Англия банки бошқарувчиси Эндрю Бэйли ва бош кассир Сара Жон Букингем саройида қирол Чарльзга унинг сурати туширилган биринчи банкнотларни совға қилишди.
Қирол, анъанага кўра, янги банкнотларнинг биринчи нусхаларини олади. Монархга 00001 рақамлари бўлган банкноталар берилади.
Чарльз тасвирланган банкноталар қиролича Елизавета II тасвирланган аввалги банкнотлар билан бир қаторда ишлатилади.
Изоҳ (0)