Буюк Британия қироли Чарльз III простата безининг катталашиши туфайли касалхонага ётқизилганида саратон касаллиги аниқланди. Бу ҳақда Букингем саройи матбуот хизмати хабар берди.
“Жаноби олийлари бугун мунтазам муолажаларни бошлади, шифокорлар унга жамоат олдида турган вазифаларни кечиктиришни маслаҳат берди. Бу давр мобайнида олий ҳазратлари давлат ишлари ва расмий ҳужжатларни юритишда давом этади”, — дейилади баёнотда.
Букингем саройининг қайд этишича, қирол ўзининг даволанишига ижобий муносабатда ва имкон қадар тезроқ давлат олдидаги мажбуриятларини ўташ учун қайтишга умид қилмоқда.
“Жаноби олийлари миш-мишларнинг олдини олиш учун ва бу бутун дунё бўйлаб саратон касаллигидан азият чекаётганларни тушунишга ёрдам беради, деган умидда ўз ташхиси билан бўлишишга қарор қилди”, — дейилган баёнотда.
Январь ойи ўрталарида Букингем саройи Чарлз III простата безининг кенгайишидан даволанишини эълон қилди. У 26 январь куни касалхонага ётқизилган ва шу куни монарх жарроҳлик амалиётини ўтказган. Амалиёт муваффақиятли ўтган. 29 январь куни Чарлз III касалхонадан чиқди, аммо шифокорлар соғайиб кетиши учун унга оммавий тадбирларни бир неча кунга қолдиришни маслаҳат берди.
Чарлз III 75 ёшда. У 2022 йил сентябрида онаси Елизавета II вафотидан кейин Буюк Британиянинг янги қироли бўлди. Монарх эмланганига қарамай, икки марта, 2020 ва 2022 йилларда коронавирус билан касалланган.
Изоҳ (0)