Сербиялик теннисчи Новак Жокович тарихдаги энг кекса ATP рейтинги етакчисига айланди.
7 апрель ҳолатига кўра, Жокович 36 ёш-у 321 кунлик. Новак Рожер Федерернинг рекордини бир кунга ортда қолдирди.
Федерер охирги марта 2018 йилнинг 24 июнида рейтингда биринчи ўринни эгаллаган эди. Рожер фаолиятидаги сўнгги ўйинини 2022 йил сентябрь ойида ўтказган.
8 апрель куни Жокович ўзининг 420-ҳафтасини ATP рейтингида 1-ўринни эгаллаб турган ҳолда бошлайди.
Жокович илк бор 2011 йилги мавсумда 24 ёшида ATP рейтингида биринчи ўринни эгаллаган эди. Ҳаммаси бўлиб, у 24 та “Катта дубулға” ва 40 та “Мастерс” турнирлари ғолиблигини қўлга киритган.
Изоҳ (0)