41 ёшли теннисчи Рожер Федерер фаолиятидаги сўнгги учрашувда кортга чиқди.
Швейцариялик теннисчи Лейвер Кубогида Рафаэль Надаль билан жуфтлик ҳосил қилди. Икки афсона Жек Сок ва Френсис Тиафо жуфтлигига ютқазди (6:4, 6:7, 9-11).
Лейвер Кубогига қадар Федерер тиззасидаги жароҳат сабаб бир йилдан ошиқ кортга чиқмаганди.
Учрашувлар кейин томошабинлар бир неча дақиқа Федерер исмини айтиб ҳайқирди. Хайрлашув вақтида Рожер кўз ёшларини тийиб тура олмади, Надал ҳам йиғлаб юборди.
Федерер 15 сентябрь куни фаолиятини якунлашини маълум қилганди.
Швейцариялик афсона «Улкан тож»нинг 20 карра соҳиби ҳисобланади. Умумий ҳисобда Рожер 103 та совринга эга чиққан. Теннис тарихида фақатгина Жимми Коннорс (109 та соврин) ундан олдинда.
Федерер фаолияти давомида 310 ҳафта дунёнинг биринчи рақамли теннисчиси мақомида бўлган. 2021 йил март ойига қадар бу рекорд унга тегишли эди, кейинчалик Новак Жокович уни янгилади. Биринчиликни қаторасига сақлаб туриш бўйича рекорд Федерерга тегишли — кетма-кет 237 ҳафта биринчи ўринни ҳеч кимга бермаган.
Ундан ташқари Федерер — Дэвис Кубоги ва Пекинда бўлиб ўтган 2008 йилги Олимпиада чемпиони ҳисобланади.
Изоҳ (0)