Эрон, Исроил ва АҚШ ўз қуролли кучларини (охирги ҳолатда гап Яқин Шарқдаги қўшинлар ҳақида кетмоқда) жанговар шай ҳолатга келтирди. Бу ҳақда манбаларга таяниб, Тҳе New York Times хабар берди.
АҚШ 1 апрель куни Исроилнинг Damasҳқдаги Эрон консуллигига уюштирган ҳужуми учун Эрон томонидан эҳтимолий жавоб зарбасига тайёрланмоқда. Исроил ҳам қуролли кучларини шай ҳолатга келтирган. NYTга исроиллик манбанинг тушунтиришича, жанговар қисмларда таътиллар бекор қилинган, баъзи захирадагилар ҳаво ҳужумидан мудофаа кучларига чақирилган ва GPS сигнали блокланган.
Эрондаги манбалар ҳам мамлакат қўшинлари тўлиқ шай ҳолатга келганини, чунки Теҳрон Damasҳқдаги консулликка ҳужумга жавоб бериш ниятида эканини хабар қилмоқда. АҚШ администрациясидаги манбанинг CNN телеканалига айтишича, АҚШ ва Исроил Эроннинг жавоб зарбасини “муқаррар” деб ҳисоблайди. Унда Исроил ва АҚШ объектлари нишонга олиниши кутилмоқда.
CBS телеканали Америка разведкаси қўлга киритган маълумотларга таяниб, Теҳрон дронлар ва қанотли ракеталардан фойдаланмоқчилигини хабар қилди. Ҳужумнинг эҳтимолий вақти ва нишони номаълум, аммо разведка маълумотларига кўра, Эрон ҳарбийлари “пропорсионал жавоб”, яъни Исроил дипломатик объектига зарба бериши мумкин. Эрон таҳдидлари туфайли Исроил қатор давлатлардаги дипломатик ваколатхоналари фаолиятини қисман тўхтатган.
Исроил мудофаа вазири Йоав Галант 7 апрель куни “оператив вазиятни баҳолаш” бўйича йиғилиш ўтказди. Унда Исроил мудофаа кучлари оператив бошқармаси бошлиғи ва разведка бошқармаси бошлиғи иштирок этди. Исроил Эроннинг ҳар қандай сценарийсига жавоб беришга тайёрлигини эълон қилди.
Исроилнинг Damasҳқдаги Эрон консуллигига ҳужуми
1 апрель куни Исроил ҳарбий-ҳаво кучлари Damasҳқдаги Эрон консуллигига зарба берди. Эрон ташқи ишлар вазири Ҳусайн Амир Абдуллаҳиён мазкур ҳужум муносабати билан Америка жавобгарликка тортилиши кераклигини айтди.
Ҳужум оқибатида 11 киши, жумладан, 2016 йилгача Ливан ва Суриядаги “Қудс” элита кучларига раҳбарлик қилган Эрон ҳарбий маслаҳатчиси генерал Муҳаммад Ризо Зоҳидий, унинг ўринбосари генерал Муҳаммад Ҳоди Ҳожи Раҳимий ва яна беш эронлик зобит ҳам ҳалок бўлди. Шунингдек, уч нафар Сурия ва бир нафари Ливан фуқароси вафот этди. Эроннинг БМТ миссияси зарбани теракт деб баҳолади.
Ўзбекистон Исроил ҳужумини қоралади
Ўзбекистон Ташқи ишлар вазирлиги бир неча инсонларнинг қурбон бўлиши ва Эроннинг Damasҳқ (Сурия) шаҳридаги дипломатик миссияси ҳудудида вайронагарчиликларга олиб келган Эрон консуллиги биносига уюштирилган ҳаво ҳужумини кескин қоралади.
Изоҳ (0)