Комилжон Каримов Тошкентдаги Халқаро Вестминстер университети ректори этиб тайинланди. Бу ҳақда бош вазир матбуот котиби хабар берди.
Шу муносабат билан Баҳром Мирқосимов ушбу лавозимдан озод қилинди. У Халқаро Вестминстер университетига 2020 йил 17 сентябридан ректорлик қилиб келаётганди.
Комилжон Каримов 2021 йилдан бери олий таълим, фан ва инновациялар вазирининг биринчи ўринбосари сифатида ишлаб келаётган эди. У Халқаро Вестминстер университетига 2015—2020 йилларда ҳам ректор бўлган.
Шоҳрух Далиев унинг ўрнига олий таълим, фан ва инновациялар вазирининг биринчи ўринбосари этиб тайинланди. У 2017—2024 йилларда Вазирлар Маҳкамасининг таълим ва илм-фан масалаларига масъул департамент ва котибиятларида ўрта махсус, профессионал таълим, олий ва олий таълимдан кейинги таълим ҳамда олий таълим илм-фанини ривожлантириш бўйича бош мутахассис лавозимларида фаолият юритиб келган.
Изоҳ (0)