Шоҳрух Далиев олий таълим, фан ва инновациялар вазирининг биринчи ўринбосари, Отабек Маҳкамов эса вазир ўринбосари лавозимига тайинланди. Ушбу хабарни Олий таълим, фан ва инновациялар вазирлиги матбуот хизмати “Дарё”га тасдиқлади.
Шоҳрух Далиев 2012—2017 йилларда Олий ва ўрта махсус таълим вазирлигининг Кадрлар тайёрлаш ва олий таълим муассасаларини ташкилий-методик таъминлаш бош бошқармаси бош мутахассиси, 2017—2024 йилларда Вазирлар Маҳкамасининг таълим ва илм-фан масалаларига масъул департамент ва котибиятларида ўрта махсус, профессионал таълим, олий ва олий таълимдан кейинги таълим ҳамда олий таълим илм-фанини ривожлантириш бўйича бош мутахассис лавозимларида фаолият юритиб келган.
Отабек Маҳкамов эса бунга қадар Президент администрациясида масъул лавозимларда ишлаган. У ҳуқуқшунос-олим сифатида Тошкент давлат юридик университети ҳамда Давлат бошқаруви академиясида узоқ йиллар кафедра мудири, декан каби лавозимларда самарали меҳнат қилган.
2021 йилдан бери олий таълим, фан ва инновациялар вазирининг биринчи ўринбосари сифатида Комилжон Каримов ишлаб келаётганди. Тайинловга қадар у 2020 йилнинг 17 сентябридан Жаҳон иқтисодиёти ва дипломатия университети ректори лавозимида фаолият юритиб келган.
Изоҳ (0)