Исроилда автомашина ҳалокати оқибатида тўрт нафар полициячи тан жароҳати олди. Бу ҳақда Anadolu нашри хабар берди.
Исроилнинг КАN жамоатчилик телерадиокомпаниясининг маълум қилишича, ҳодиса Кочав Яир шаҳри яқинида содир бўлган. Яраланган полициячилардан бири ҳозир оғир аҳволда.
Хабарга кўра, бошқа автомашина билан тўқнашиб кетган ҳайдовчи машинасидан тушиб, атрофдаги одамларни пичоқламоқчи бўлган. Ҳудудга тезда Исроил кучлари етиб келиб, жиноятчини отиб ўлдирган.
Ҳодиса Исроилнинг Ғазога қарши давом этаётган уруши ва ишғол қилинган Ғарбий Соҳил бўйлаб кескинлик кучайган бир пайтга юзага келди. Расмийлар теракт иштирокчисининг Ғарбий Соҳил билан алоқадорлигини текширмоқда.
Исроил полицияси воқеа юзасидан тергов давом этаётганини айтган.
Изоҳ (0)