“Ҳизбуллоҳ” гуруҳи 2 апрель куни “Ҳизбуллоҳ” шимолидаги Наҳария шаҳрига ракета ҳужумлари уюштирди. Бу ҳақда Al Jazeera нашри хабар қилди.
Манбада айтилишича, Ливандаги гуруҳ Наҳария ҳудудига, хусусан, Гешер-Ҳазив аҳоли масканига Катюша қурилмасидан бир қатор зарбалар берган. Ҳужумлар Ливаннинг жануби-ғарбий қирғоқбўйи ҳудудларидан йўналтирилган.
“Ҳизбуллоҳ” расмийларининг билдиришича, бу ҳужум Исроилнинг жанубий Ливан қишлоқлари ва тинч аҳоли уйларига уюштирган ҳужумларига жавобан ташкил этилган. Олдинроқ, Исроил жанубий Ливандаги Ярин шаҳрига зарба берган эди. Оқибатда бир нафар аёл ҳалок бўлган.
Исроилнинг Channel 12 телеканали Наҳария ҳудудида ҳаво ҳужумига қарши огоҳлантирувчи сиреналар ишга тушганини хабар қилган. Исроил миллий тез ёрдам хизмати эса ракета ҳужуми оқибатида жароҳатланган ёки қурбонлар бўлмаганлигини айтган.
Изоҳ (0)