Саудия Арабистони чемпионатининг 26-туридан ўрин олган навбатдаги учрашув душанба, 1 апрель куни бўлиб ўтди. Унда “Ал-Аҳли” ўз майдонида “Ал-Иттиҳод”ни қабул қилди.
Учрашув Жидда шаҳридаги King Abdullah Sports Сity стадионида бўлиб ўтди ва 1:0 ҳисобида мезбонларнинг ғалабаси билан якунланди.
“Ал-Аҳли”даги ягона гол Роберто Фирминонинг узатмасидан сўнг Фирас Ал Бурайкан томонидан киритилди.
Эслатиб ўтамиз, франциялик ҳужумчи Карим Бензема “Ал-Иттиҳод” сафида тўп сурди. Ҳужумчи майдонга асосий таркибда тушди ва бутун учрашувни тўлиқ ўтказди.
Айни дамда “Ал-Иттиҳод” Саудия Арабистони чемпионати турнир жадвалида 46 очко билан тўртинчи ўринда бормоқда. Жамоа чемпионлик унвонини ҳимоя қилиш имкониятидан маҳрум бўлди.
Жамоа мавсум якунланишига 8 тур қолганида пешқадам “Ал-Ҳилол”дан 24 очко ортда қолмоқда.
Изоҳ (0)