Saudiya Arabistoni chempionatining 26-turidan o‘rin olgan navbatdagi uchrashuv dushanba, 1-aprel kuni bo‘lib o‘tdi. Unda “Al-Ahli” o‘z maydonida “Al-Ittihod”ni qabul qildi.
Uchrashuv Jidda shahridagi King Abdullah Sports Sity stadionida bo‘lib o‘tdi va 1:0 hisobida mezbonlarning g‘alabasi bilan yakunlandi.
“Al-Ahli”dagi yagona gol Roberto Firminoning uzatmasidan so‘ng Firas Al Buraykan tomonidan kiritildi.
Eslatib o‘tamiz, fransiyalik hujumchi Karim Benzema “Al-Ittihod” safida to‘p surdi. Hujumchi maydonga asosiy tarkibda tushdi va butun uchrashuvni to‘liq o‘tkazdi.
Ayni damda “Al-Ittihod” Saudiya Arabistoni chempionati turnir jadvalida 46 ochko bilan to‘rtinchi o‘rinda bormoqda. Jamoa chempionlik unvonini himoya qilish imkoniyatidan mahrum bo‘ldi.
Jamoa mavsum yakunlanishiga 8 tur qolganida peshqadam “Al-Hilol”dan 24 ochko ortda qolmoqda.
Izoh (0)