“Байер” ўртача тўпланган очколар бўйича Европанинг топ-5 лигаларидаги энг яхши жамоа

Германиянинг “Байер” клуби ҳар бир ўйинда ўртача 2,69 очко тўплаган.

Бу Европанинг топ-5 чемпионатларидаги барча жамоалар орасида энг яхши натижа ҳисобланади. Бу ҳақда ушбу кўрсаткич асосида Европа жамоалари рейтингини тузган Mail Спорт портали Х (собиқ Twitter) ижтимоий тармоғида хабар берди.

Иккинчи ўринда ўртача 2,62 балл тўплаган Миланнинг “Интер” клуби жойлашган. Ундан кейин “Реал” (2,48) бормоқда. Кучли бешликни “Бавария” (2,31) ва Лондоннинг “Арсенал” клублари (2,29) якунлаб турибди.

Эслатиб ўтамиз, жорий мавсумда “Байер” Германия чемпионатида 70 очко тўплади. Бу кўрсаткич бўйича 2013—2014 йилги мавсумда 26 турдан кейин 74 очко тўплаган Бундеслига тарихида фақат “Бавария” олдинда.

Хаби Алонсо жамоаси 2023—2024 йилги мавсумда Бундеслига турнир жадвалида пешқадамлик қилишда давом этмоқда. “Байер” иккинчи ўриндаги “Бавария”дан 10 очко олдинда бормоқда.