Исроил ҳаво ҳужуми оқибатида Рафаҳ шаҳридаги бино ичида бошпана топган камида 14 нафар фаластинлик ҳалок бўлди. Бу ҳақда CNN нашри хабар берди.
Рафаҳдаги Абу Юсуф ан-Нажжар касалхонаси томонидан тарқатилган қурбонлар рўйхатига кўра, ҳалок бўлганлар орасида тўрт нафар аёл ва етти бола ҳам бор.
Ғазо фуқаролик мудофааси маълумотларига кўра, фавқулодда ёрдам ходимлари Ал-Наср шимоли-шарқидаги портлаб кетган бино вайроналари остидан бир қанча қурбонларни топишган. Қутқарув бригадалари ҳозирда ҳудудда фаол ишламоқда.
Манбага кўра, қутқарувчилар вайроналар остидан бир аёлни қутқариб олишган. Бино вайроналари остида яна одамлар қолиб кетган бўлиши мумкинлиги айтилган.
CNN сўровларидан сўнг Исроил мудофаа кучлари зарба санаси, вақти ва жойи ҳақидаги маълумотларни тақдим этган. Бироқ ҳужум сабаби ҳақидаги саволларни Тель-Авив расмийлари жавобсиз қолдирган.
Изоҳ (0)