Россия ҳарбий самолёти аннексия қилинган Қрим яқинидаги денгизга қулади

Россия ҳарбий самолёти 28 март куни Қрим яримороли соҳили яқинидаги денгизга қулаб тушди. Бу ҳақда The Moscow Times нашри хабар берди.

Ижтимоий тармоқларда тарқалган видеода осмондан аланга ичида пастга қулаётган самолёт акс этган. Хабарларга кўра, ҳалокатдан сўнг учувчи парашютдан сакраб, тирик қолган.

“Учувчи катапульта қилган. Уни Севастопол қутқарув хизмати ходимлари қирғоқдан 200 метр узоқликдаги манзилдан топган. Унинг ҳаёти ҳозир хавф остида эмас”, — дея маълумот берган Севастопол губернатори Михаил Развожаев.

Учувчининг ҳалокатига нима сабаб бўлгани ҳозирча номаълум. Расмий ташкилотлар ҳалокат сабабларини ўрганаётганини маълум қилган.

Шарқий Украинада уруш бошлангандан бери Қрим яримороли атрофида бир неча бор қирувчи самолёт ҳалокати содир бўлган. 2022 йилнинг баҳорида Украина Россиянинг Қримдаги авиабазасини ҳам бомбардимон қилган эди.