Тошкент вилоятининг Оққўрғон, Сурхондарё вилоятининг Денов тумани ва Андижон шаҳрида “валютчиклар” ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
Маълум қилинишича, департаментнинг Оққўрғон туман бўлими томонидан ИИБ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган М.Ш. жами 3 500 долларни фуқаро Х.С.га 44,1 млн сўмга сотган вақтида ашёвий далиллар билан ушланган.
Худди шундай департаментнинг Денов туман бўлими, ДХХ ва ИИБ ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган З.М. ва С.М. жами 3 000 АҚШ долларини фуқаро М.Х.га 37,8 млн сўмга сотган вақтларида ушланиб, уларнинг ёнидан 3045 доллар, 41 минг Россия рубли ашёвий далил сифатида олинган.
Шу каби департаментнинг Андижон шаҳар бўлими томонидан ўтказилган тезкор тадбирда валюта айирбошлаш билан шуғулланиб келган А.А. жами 2 800 долларни фуқаро А.Д.га 35,2 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)