Тошкент шаҳри, Қорақалпоғистон Республикаси ва Фарғона вилоятида валюта қимматликларининг ноқонуний муомалага киритилиши олди олинди. Бу ҳақда Бош прокуратура ҳузуридаги департамент хабар берди.
Қайд этилишича, департаментинг Янгиобод туман бўлими томонидан ИИБ ходимлари билан ҳамкорликда тезкор тадбир ўтказилган. Тадбирда валюта айирбошлаш билан шуғулланиб келган О.Й. жами 4 минг долларни фуқаро Б.Д.га 50 миллион сўмга сотган вақтида ашёвий далиллар билан ушланган.
Шу каби, департамент ҳамда ИИВнинг Қорақалпоғистон Республикаси бошқармаси ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган фуқаро Д.Р. жами 4 минг долларни фуқаро М.Д.га 49,7 миллион сўмга сотган вақтида ашёвий далиллар билан ушланган.
Худди шундай, департаментнинг Фарғона вилоят бошқармаси томонидан ИИБ ходимлари билан ҳамкорликда Фарғона шаҳрида ўтказилган тезкор тадбирда валюта айирбошлаш билан шуғулланиб келган С.Н. жами 3,6 минг долларни фуқаро О.А.га 44,9 миллион сўмга сотган вақтида ашёвий далиллар билан қўлга олинган.
Департаментнинг Тўрткўл туман бўлими томонидан ИИВ ходимлари билан ҳамкорликда ўтказилган тезкор тадбирда эса валюта айирбошлаш билан шуғулланиб келган фуқаро М.С. жами 3,5 минг долларни фуқаро Ҳ.И.дан 43,5 миллион сўмга сотиб олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Андижон ва Қашқадарё вилоятларида валюта қимматликларини ноқонуний муомалага киритилишига чек қўйилгани тўғрисида хабар берилганди.
Изоҳ (0)