Тошкент вақти билан 29 март тонгида АҚШнинг Мичиган штати, Детройт шаҳрида профессионал бокс оқшоми ташкил этилади.
DAZN томонидан ўтказилаётган ушбу оқшомнинг иккинчи асосий жангида супер енгил вазн тоифасида IBA камари учун собиқ даъвогар Шоҳжаҳон Эргашев Хуан Хуэртасга қарши рингга чиқади.
Маълумот учун, Хуан Хуэртас фаолияти давомида 22 та жанг ўтказиб, 17 ғалаба, 4 мағлубият ва 1 та дуранг қайд этган. Ғалабаларининг 13 тасида рақибларини муддатидан олдин таслим этган.
Эслатиб ўтамиз, Шоҳжаҳон Эргашев ўтган йилнинг 26 ноябрь куни АҚШда IBF чемпиони Сабриэль Матиасга қарши жанг қилиб, имкониятни бой бериб қўйган эди. Бу унинг фаолиятидаги ягона мағлубият бўлиб турибди.
Ушбу оқшомнинг марказий жангида ярим оғир вазн тоифасида колумбиялик боксчи Хуан Каррилё (11-0-0) ҳамда америкалик Куинтон Ранкин (21-8-2) ўзаро рингда тўқнаш келади.
Хабарга кўра, Эргашев Хуэртасга қарши жангга тайёргарликни катта қисмини таниқли проф боксчи Темур Ибрагимов қўл остида ўтказган.
Турнир карди билан танишинг:
Марказий жанг: Ярим оғир вазнда 10 раундлик жанг. Хуан Каррилё (11-0-0) — Квинтони Ранкин (21-8-2);
Супер енгил вазнда 10 раундлик жанг: Шоҳжаҳон Эргашев (23-1-0) — Хуан Хуэртас (17-4-1);
Супер ўрта вазнда 10 раундлик жанг: Владимир Шишкин (15-0-0) — Майк Гай (12-7-1);
Супер ўрта вазнда 8 раундлик жанг: Надим Саллум (12-1-0) — Уилям Таунсел (6-1-0);
Ўрта вазнда 4 раундлик жанг: Жозя Шаклфорд (1-0-0) — Антвион Макколлоу (0-3-0).
Изоҳ (0)